Фәхрисламова Мөсәвәрә Фәттах кызын юбилее белән котладылар

"Сарман: иң яңа хәбәрләр", 30 июнь 2020 - 15:13

843

Тыл һәм хезмәт ветераны 90 яшьлек гомер бәйрәме уңаеннан котлаулар кабул итте.

Карамалы авылында күпбалалы гаиләдә туып-үсә Мөсәвәрә апа. Кәүҗияк авылының Әхмәтьяр исемле егетенә кияүгә чыга. Аның белән бердәнбер уллары Мөнирне тәрбияләп үстерәләр. “Коммунизм” колхозында эшләп, лаеклы ялга чыга. Күп тапкырлар Мактау хатларына лаек була. Тыл һәм хезмәт ветераны шушы көннәрдә үзенең 90 яшьлек гомер бәйрәме уңаеннан котлаулар кабул итте. Аны Кәүҗияк авыл җирлеге башлыгы Фиргать Хөснетдинов тәбрикләде. Ул Рәсәй Президенты Владимир Путинның Котлау открыткасын, район башлыгы Фәрит Хөснуллин һәм үз исеменнән истәлек бүләкләре тапшырды.