Бүген район Советында чираттагы дүшәмбе киңәшмәсе узды

Көн тәртибендә дүрт сорау каралды. Язгы чакырылыш һәм көзге чакырылышка әзерлек хакында район хәрби комиссариаты бүлеге начальнигы Дашгын Гасанов чыгыш ясады. Агымдагы елның беренче яртыеллыгында район Советы һәм Башкарма комитетына гражданнардан кергән мөрәҗәгатьләр белән район Советының гомуми бүлек җитәкчесе Резедә Газизова таныштырды. Янгын куркынычсызлыгы һәм җәйге чорда су объектларында куркынычсызлык кагыйдәләрен үтәү турында янгын-коткару гарнизоны начальнигы вазифаларын вакытлыча башкаручы Раил Бакиров чыгыш ясады. Зур Нөркәй авыл җирлегендә башкарылган эшләр хакында җирлек башлыгы Рәшит Гайсин сөйләде.