Бөек Җиңүгә багышланган парадны район халкы горурланып карады

"Сарман: иң яңа хәбәрләр", 9 май 2021 - 11:39

981

Бүген – 9 Май көнне район үзәгендә Бөек Җиңүнең 76 еллыгына багышланган парад үткәрелде. Аның белән Татарстан Республикасы Хәрби комиссариатының Сарман һәм Мөслим районнары буенча хәрби комиссары Дашгын Гасанов җитәкчелек итте.
Трибуна һәм халык алдыннан тигез сафлар белән “кайнар нокталар”да хезмәт итүче, сугыш хәрәкәтләрендә катнашучы ветераннар, медицина хезмәткәрләре, аграр көллият, гимназия һәм мәктәп укучылары, армия сафларына китәргә әзерләнүче егетләребез һәм башкалар үттеләр. Бу тантаналы мизгелләрдә бәйрәмдә катнашучыларның күңелен шатлык белән бергә горурлык хисләре дә биләп алды.