Азалак мәктәбендә методик берләшмә утырышы үткәрелде

12 нче февраль көнне Азалак төп гомуми белем бирү мәктәбендә “Мәктәпкәчә яшьтәге балалар белән эшләүдә логик-математик уеннар куллану “ темасы буенча мәктәпкәчә белем бирү төркеменең методик берләшмә утырышы үткәрелде.

Тәрбияче Сибгатуллина Эльвира Рөстәм кызы “7 санында кунакта” темасына ачык дәрес күрсәтте. Кунакларга “Күңелле балачак” төркеме эчтәлекле концерт программасы куйды. Балалар үзләренең биюгә, җырга, сәнгатьле итеп шигырь сөйләүгә осталыкларын күрсәттеләр. Тамашадан соң килгән кунаклар мастер-класслар да уздырдылар.