Иске Минзәләбаш һәм Саклаубаш мәктәпләрендә капиталь ремонт бара

2014 елда Республика программасында каралган капиталь ремонт районның ике мәктәбендә үтә: Адлер Тимергалин исемендәге Иске Минзәләбаш урта гомуми белем бирү мәктәбендә һәм Саклаубаш урта гомуми белем бирү мәктәбендә. Әлеге эшләр өчен аларга 16 миллион сум акча бүленеп бирелгән. Иске Минзәләбаш мәктәбендә 180 тәрәзәнең, керү һәм запас ишекләренең монтажы төгәлләнгән, түбә кыегын кору тәмамлана. Саклаубаш мәктәбендә 73 тәрәзә һәм запас ишекләрнең монтажы төгәлләнгән, керү группасы ремонты планлаштырыла. Иске Минзәләбашта түбә кыегы корылгач, шундый ук эшләр Саклаубашта да башкарылачак.