Кормаш авылында яшәүче Минҗамал Лотфуллинага 90 яшь тулды

"Сарман: иң яңа хәбәрләр", 9 июль 2018 - 15:55

2016

Олуг юбилее белән ветеранны район башлыгы урынбасары Гүзәл Гәрәева, Шәрләрәмә авыл җирлеге башлыгы Наилә Хуҗина, авыл ветераннар советы рәисе Роза Шәйгарданова, авыл фельдшеры Мияссәрә Мөхәммәтшина, балалары, оныклары тәбрикләделәр.

Гүзәл Рифкатовна юбилярга Рәсәй Президенты Владимир Путинның котлау открыткасын, район башлыгы Фәрит Хөснуллин исеменнән истәлек бүләге тапшырды. Чисталыгы, пөхтәлеге, уңганлыгы белән үрнәк Минҗамал апа күңел матурлыгын саклап, якыннарына бәхет өләшеп яши. Яшәгән йортыннан нур балкып, ихатасы аллы-гөлле чәчәкләргә күмелеп утыра аның.
- Мине хөрмәтләгәнегез өчен, Аллаһы Тәгалә үзегезне зурласын. Теләгән теләкләрегез үзегезгә дә барып ирешсен. Исән-сау йөрегез, - дигән теләктә озатып калды ул кунакларны.
Бу хакта тулырак газетаның алдагы санында укыгыз.