Район турында
-
Сарман районы тарихы
Тасвирлама: Сарман районы – Россия Федерациясе Татарстан Республикасы составындагы административ-территориаль һәм муниципаль берәмлек. Республиканың көнчыгышына урнашкан. Административ үзәге – Сарман авылы.
-
Зур шәһәрләргә кадәр ара
Тасвирлама: Сарманнан – Казанга, Яр Чаллыга, Әлмәткә, Түбән Камага: күпме километр һәм сәгать барасы
Сарман районы Татарстан Республикасының көнчыгышында урнашкан. Төньякта ул – Тукай районы, көнчыгышта – Азнакай һәм Мөслим, көньякта – Әлмәт, көнбатышта Зәй районы белән чиктәш. Район Бөгелмә – Бәләбәй калкулыгы итәгенә урнашкан. Тауларның биеклеге 120-260 метр тәшкил итә.
Административ бүленешкә килгәндә, район 68 торак пунктны берләштергән 1 шәһәр тибындагы бистә һәм 22 авыл җирлегеннән тора. Район урман-дала зонасында – Көнчыгыш Кама аръягының түбәнрәк яткан төньяк-көнчыгыш өлешендә, Минзәлә һәм Мәллә (Ык елгасы бассейны) елгаларының су җыю мәйданында урнашкан. Территориясенең күп өлешен сөрүлек җирләр алып тора.
Район үзәге булган Сарман авылы Казаннан – көнчыгышка таба 296 километр, Бөгелмә тимер юл станциясеннән төньякка таба 110 километр ераклыкта Минзәлә елгасы (Кама елгасы бассейны) буенда урнашкан. Район территориясе аша Яр Чаллы – Сарман – Әлмәт автомобиль юлы үтә. Сарманда 6473 кеше яши.
Сарман районы 1930нчы елның 10нчы августында оешкан.