Зур Нөркәй мәктәбендә "Йолдыз киңлекләрендә" дигән уен үткәрелде

Зур Нөркәй мәктәбендә Космонавтика көне һәр елны зур әзерлек белән уздырыла. Аны физика укытучысы Резидә Мөхәммәтова оештыра. Быел да 7 нче сыйныф укучыларыннан төзелгән 4 команда арасында "Йолдыз киңлекләрендә" дип аталган интеллектуаль уен-ярыш үткәрелде. Уенда укучылар үз белемнәрен, тапкырлыкларын күрсәттеләр. Ә инде 10 нчы сыйныф укучылары арасыннан сайланган жюри әгъзалары исәпне бик гадел алып бардылар. Җиңүче команда билгеләнде. Укучылар бу уеннан үзләренә бик күп мәгълумат алдылар. 7 нче сыйныф әйдаманнары башлангыч сыйныф укучылары белән мавыктыргыч чаралар уздырдылар. Юрий Гагаринның тормыш юлын өйрәнделәр, кроссводлар, табышмаклар чиштеләр.