Суд хезмәткәрләре балаларга мәктәпкә әзерләнергә ярдәм итәләр

Район суды, җәмәгать судьялары суд участоклары хезмәткәрләре, елдагыча, беренче сыйныфка баручы балаларны бүләк белән сөендерделәр. Бүген – 6 август көнне район суды залында алар тантаналы рәвештә Сарман урта мәктәбенең беренче сыйныфына барачак ике балага – Рүзәл белән Әдиләгә кирәк-яраклар салынган мәктәп сумкасы тапшырдылар.

 - Балаларга “5” леләр алу өчен барлык мөмкинлекләр бар. Бу портфель сезгә олы тормышка беренче юлны салырга ярдәм итәчәк, - диде район суды рәисе Ринат Хәйбрахманов, балаларны якынлашып килүче яңа уку елы белән котлап.

 Аларны җәмәгать судьялары Айнур Хаҗиев һәм Илнур Юнысов та тәбрикләделәр, тырышып укуларын теләделәр.

 Зөлфия Шәрипова язмасы һәм фотолары