Сарманлылар "Социаль эшмәкәрлек" темасына семинарларда катнаша алалар

Инновацияләр үзәге "Социаль эшмәкәрлек" темасына семинарлар үткәрә. Үзәк сайтында социаль предприятие төзү, үткәрелгән конкурслар, проектларга грант ярдәме, презентацияләр турында мәгълүматлар, онлайн-семинарлардан видеолар һәм башкалар урнаштырылган. Өйрәтүче семинарлар түләүсез нигездә Казан федераль университеты ярдәмендә якынча айга бер тапкыр түбәндәге адрес буенча үткәрелә: Казан шәһәре, Пушкин урамы, 27/2. Заявкалар булганда, республика районнарына чыгу мөмкинлеге бар.

Семинарларның берсендә анда катнашучылар бизнесны алып бару һәм бизнес-план төзү нигезләренә өйрәнделәр, салым органнарында дәүләт теркәве үтү, эшчәнлек турында отчет бирү, учет мәсьәләләре, грант һәм ташламалы ставкалар буенча кредит алу һәм башкалар турында мәгълүмат алдылар. Чираттагы семинар 3 августта Казанда үткәрелә. Семинарга түбәндәге телефоннар буенча теләгән һәркем языла ала: (843) 296-08-85, (843) 233-72-87 яки сылтама буенча заявка калдыра ала.

Мәгълүмати флаер