Сарманлылар #ПодпишиРодителей #ПодпишиБлизких акциясенә кушылдылар

"ТАТМЕДИА" акционерлык җәмгыяте матбугатка язылу кампаниясенең иң кызган вакытында #ПодпишиРодителей #ПодпишиБлизких дип исемләнгән флешмоб-акция игълан итте. Аңа район халкы да актив кушылды.

Акциянең асылы шунда - "Почта России" сайтына яки Дәүләт хезмәтләре (Госуслуги) порталына кереп, кирәкле матбугатны сайларга һәм банк картасы белән түләргә кирәк. Әлбәттә, бернинди дә чиратта торасы юк.

- Дәүләт хезмәтләре порталы аша матбугатка язылу бик уңайлы. Мин өч ел шулай эшлим дә инде. "Сарман" газетасына икенче яртыеллыкка язылдым, шулай ук "Мәгариф" һәм "Гаилә һәм мәктәп" журналларын да сайладым. Әнине дә үзе теләгән газета-журналларына яздырдым. Балалар бакчасына мөмкинлекләре чикләнгән бер бала йөри, аңа "Салават күпере"нә подписка бүләк итәргә уйлыйм. Әле анда эшләүче тәрбияче Әлфинур Әхмәдуллина да портал аша район газетасына язылу нечкәлекләрен белеште, - дип, сөйләде безгә Иске Кәшер мәктәп директорының тәрбия эшләре буенча урынбасары Разия Рамазанова.

Дуслар! Сезне дә Дәүләт хезмәтләре порталы аша матбугатка язылырга өндибез. Күргәнегезчә, аның бер кыенлыгы да юк.