Сарманда ветераннар Нәфис Закиров белән очраштылар

"Шәфкать" халыкка хезмәт күрсәтү үзәгендә муниципаль район башлыгы Нәфис Закиров авыл җирлекләре ветераннар советлары рәисләре белән очрашты. "Ел саен күрешеп, сезнең белән киңәшләшеп, алдагы эшләрне планлаштырабыз - бу матур традициягә әверелде", - дип башлады сүзен Нәфис Закиров һәм очрашуга җыелганнарны районның икътисади-иҗтимагый тормышы белән таныштырды, бу елга планлаштырылган эшләр хакында сөйләде. Соңыннан ветераннар үзләрен борчыган мәсьәләләрне күтәрделәр, кызыксындырган сорауларына җаваплар алдылар. Очрашуда оешма җитәкчеләре, ветераннар Советы рәисе Лифкат Фазуллин катнашты.