Сарманда ике гаиләгә ана капиталына сертификат тапшырылды

Бүген Сарманда Халыкара балаларны яклау көне уңаеннан узган тантанада ике гаиләгә ана капиталына сертификат тапшырылды дип язган идек. Аңа Сарманнан Вәлиәхмәтовлар (икенче балалары - Илназ) һәм Хөсәеновлар (икенче балалары - Милана) гаиләләре ия булдылар. Аларга сертификатларны муниципаль район Советы аппараты җитәкчесе Фәндәс Вәлиев тапшырды. Район Пенсия фонды идарәсе начальнигы Асыляр Харисов һәм район Башкарма комитетның ЗАГС бүлеге җитәкчесе Гөлчәчәк Вәлишина әлеге гаиләләргә истәлекле бүләкләр бирделәр, Фәндәс Әнәсовичның изге теләкләренә кушылдылар.