Сарман редакциясендә шоколад көне бәйрәм ителә

11 июльдә Бөтендөнья шоколад көне билгеләп үтелә. Бүген без бу көнне редакциягә килгән балаларга шоколад бүләк итәчәкбез. Аны алу өчен шигырь сөйләргә, җырларга, биергә яки башка осталыгыңны күрсәтергә кирәк.

"Сарман мәгълүмат-мөхәррият үзәге" коллективы да көнне яхшы кәеф белән башлап җибәрде. Һөнәрләрен күрсәтеп - җырлап, биеп - бүләккә шоколад алдылар.

Шоколадның файдалы сыйфатлары:

- психологик халәтне яхшырта;

- картаю процессын тоткарлый;

- авыруларны кисәтә;

- организмда бәхет гормоннары - эндорфиннар эшләнүгә булыша.