Сарман муниципаль районында “Минем туган ягым” конкурсына йомгак ясалды

2015 нче елның 18 нчы маенда Сарман муниципаль районында Бөек Ватан сугышы һәм туган якны өйрәнү музее һәм ГХАТ бүлеге хезмәткәрләре белән берлектә "Минем туган ягым" конкурсына йомгак ясалды. Үзләренең фәнни-тикшеренү эшләрен 20 укучы яклады.

Җиңүчеләрне төрле номинацияләр буенча билгеләделәр һәм котладылар. "Үзеңнең шәҗәрәңне өйрәнү" номинациясе буенча ГХАТ бүлеге җитәкчесе Г.Ә.Вәлишина укучыларга грамоталар һәм бүләкләр тапшырды.

Кунаклар укычыларга саулык-сәламәтлек, яңадан-яңа иҗади уңышлар теләделәр. Бәйрәм һәм яхшы кәеф балаларның күңелләрендә озакка сакланыр.