"Сарман мәгълүмат-мөхәррият үзәге" "Иң матур кош оясы" дигән конкурс игълан итә

Һава торышы көннән-көн матурлана бара - елмаеп, кояш чыга, җылыта, табигать тә уяна. Кошлар да җылы яклардан кайталар. Без канатлы дусларыбызга багышланган конкурс та игълан итәргә булдык әле. Ул "Иң матур кош оясы" дип аталачак һәм ике атна (13 апрельгә кадәр) дәвам итәчәк. Фотоларны һәм кыскача мәгълүматны sarmangazetam11@mail.ru электрон адресына җибәрергә кирәк.

Сүз уңаеннан

1 апрельдә Көлке көне генә түгел, Халыкара кошлар көне дә билгеләп үтелә. Әлеге дата юкка гына сайлап алынмаган - нәкъ шушы вакытта җылы яклардан кошлар кайта. Бу көнне кошларның яшәү урыннарын ямьләндерү эшләре башкарыла, яңа кош оялары һәм утлыклар ясала.