Сарайлы нәниләре янына Кыш бабай беренче булып килгән

Бу бәйрәмне бигрәк тә балалар түземсезлек белән көтәләр. Чөнки Кыш бабай  үзе белән күп итеп күчтәнәчләр алып килә. 
  Сарайлы балалар бакчасына , бик ераклардан Кыш бабай кунакка  килде. Нәниләр Кыш бабайны күреп сөенделәр, бик рәхәтләнеп уеннар уйнадылар. Яңа  елга өйрәнгән шигырьләрен сөйләп күрсәттеләр. Кыш бабай, балаларга үзенең теләкләрен әйтеп, бүләкләр белән сөендерде.
  Кыш бабайның эше күп, башка балалар бакчасында, сабыйларга бүләкләр таратасы бар.Шуңа озаклап тоткарланмады. Бәйрәмгә тагын киләсен әйтеп, саубуллашып, юлын дәвам итте.