Район социаль яклау бүлегендә - яңа җитәкче

Гыйльметдинова Лилия Мирзаһит кызы 1967 елда Рангазар авылында туа. Урта мәктәптән соң бер ел район мәгариф бүлегенең пионерлар һәм укучылар йортында методист булып эшли. 1984-1990 елларда Казан Дәүләт педагогия институтында белем ала. 1996 елга кадәр мәктәптә рус теле һәм әдәбиятыннан укыта. Хезмәт һәм мәшгульлек бюросында - әйдәүче белгеч, хәрби комиссариатта бүлек начальнигының өлкән ярдәмчесе, 2000 елдан социаль яклау бүлегенең әйдәүче белгече, консультанты була. 15 ноябрьдән Лилия Гыйльметдинова Хезмәт, мәшгульлек һәм социаль яклау министрлыгының Сарман районындагы бүлеге начальнигы итеп билгеләнде.