Район халкы көзге бозда сак булырга тиеш

Ел саен көзге-кышкы сезонда республика сулыкларында, куркынычсызлык кагыйдәләрен үтәмәгәнлектән, уннарча кешеләрнең, шул исәптән балаларның гомерләре өзелә. Көзге боз ноябрьдән декабрьгә кадәр, ягъни дәвамлы салкыннар башланганчы ныклы булмый. Төнлә зур булмаган йөкне күтәрә алса да, көндез аның аша саркып чыккан сулар нәтиҗәсендә ул җылына һәм булган ныклылыгын да югалта. Шуңа күрә кешеләрнең, аеруча балыкчыларның сулыкларда бик сак булулары сорала. Бу чорда ата-аналарның балаларга карата аеруча игътибарлы булулары кирәк.

Бу хактагы тулырак материалны газетаның киләсе саннарында укый аласыз.