Районда спортчыларны һәм төзүчеләрне зурладылар

"Сарман: иң яңа хәбәрләр", 12 август 2022 - 20:38

689

12 август көнне Сарманның үзәк ял паркында Физкультурачылар көненә һәм Төзүчеләр көненә багышланган бәйрәм чарасы үтте.

Спорт һәм төзүчелек өлкәләре белән тормышларын бәйләүчеләрне район башлыгы Фәрит Хөснуллин, район Башкарма комитеты җитәкчесе урынбасары Индира Сәхипова котладылар, аеруча активларга сертификатлар, күкрәк билгеләре, Рәхмәт хатлары тапшырдылар, ГТО алдынгыларын да билгеләп үттеләр. Чара дәвамында спорт ярышлары җиңүчеләре дә ачыкландылар. Бәйрәм чарасы концерт номерлары белән үрелеп барды, алып баручы үзебезнең якташ кызыбыз – шагыйрә Сәйлән (Ләйсән Миңнәхмәтова) булды.