Мәскәү өлкәсендә хезмәт итүче Сарман районы егетләре сәлам җибәрәләр

Кичә Сарман һәм Мөслим районнары җитәкчелеге вәкилләре һәм әти-әниләр Мәскәү өлкәсендә якташ солдат егетләребез янында булып кайттылар. Алар Сергиев Посад районының Шарапово бистәсендәге 14258 нче частендә хезмәт итүче райондаш егетләребездән кайнар сәлам алып кайтканнар. Билгеле булганча, әлеге частьне район шефлыкка алды. Бүгенге көндә анда безнең районнан да, Мөслимнән дә 17 шәр егет хезмәт итәләр. Егетләребезгә күчтәнәчкә район хәбәрләрен - "Сарман" газетасын да җибәргән идек. "Өйгә кайтып килгәндәй булдык", дигәннәр егетләр. Бер ел күп вакыт түгел кебек, егетләр, исән-имин, сәламәт булып хезмәт итеп, туган якта очрашулар насыйп булсын.