Матбугат үзәгеннән көн рецепты – кабак һәм баклажаннан пюре-аш

Сезгә кабак һәм баклажаннан пюре-аш рецептын тәкъдим итәбез.

Кирәк булалар:

- бәрәңге - 200 грамм (яки сельдерей);

- кишер, суган, борыч - 1 данә;

- кабак - 200 грамм;

- баклажан - 2-3 данә (бәләкәй булырга тиешләр);

- помидор - 2 данә;

- сарымсак - 2 тырнак;

- зәйтүн мае - 2 аш калагы;

- яшелчә шулпасы - 1,5 литр;

- сөт яки каймак (тәм буенча) - 70-100 миллилитр;

- яшеллек.

Бар яшелчәне дә шакмаклап турыйбыз. Баклажаннар ачы булса, тозлап, бераз тотарга, аннары юдыртырга кирәк.

Суган һәм сарымсакны вак итеп турыйбыз һәм зәйтүн маенда берничә минут кыздырабыз. Яшелчә өстибез һәм тагын 5 минут пешерәбез.

Яшелчә шулпасы салабыз һәм уртача утта яшелчәләр йомшарганчы 20-25 минут пешерәбез.

Помидорларны шакмаклап турыйбыз һәм ашка өстибез. 1-2 минут пешергәннән соң, уттан алабыз.

Блендер ярдәмендә аштан пюре ясыйбыз. Каймак (сөт) салабыз. Тоз, борыч сибәбез. Акрын утта җылытабыз.

Тәм буенча, яшеллек, кыздырылган ипи кисәкләре яки сыр белән бизәп бирәбез.