Матбугат үзәге хезмәткәрләре ГТО нормативларын тапшырдылар

"Сарман: иң яңа хәбәрләр", 28 май 2021 - 18:00

1001

Бүген район үзәгенең Ял паркында Сарман мәгълүмат-мөхәррият үзәге хезмәткәрләре хезмәткә һәм оборонага әзер булуларын күрсәттеләр.

“Хезмәткә һәм оборонага әзер” (ГТО) нормативлары – физкультура-спорт комплексы Советлар Союзы чорында ук барлыкка килгән. Ул 1931 елдан 1991 елга кадәр гамәлдә була. 1990 елларда ГТО онытыла. 2014 елда Рәсәй Президенты Владимир Путин ГТО системасын яңадан кайтару турындагы Указга кул куйды.
- ГТО программасы халыкның сәламәтлеген саклауга һәм ныгытуга юнәлдерелгән, - ди районның ГТО буенча тестлаштыру үткәрү үзәге җитәкчесе Ленар Дәүләтбаев.