Кәүҗияк авыл җирлеге халкы актив

Аларның бердәмлеге, татулыгы турында үзенең чыгышында җирлек башлыгы Фиргать Хөснетдинов та әйтеп китте. Ул узган ел күмәк көч белән башкарылган эшләргә, алдагы көннәргә планлаштырылганнарына тукталды. «Сарман» агрофирмасы бүлекчәсе җитәкчесе Элфак Нуриәхмәтов авыл хуҗалыгындагы күрсәткечләр белән таныштырды. Участок инспекторы Ләззәт Хәсәнов хокук, тәртип саклау мәсьәләләренә басым ясады.

Район башлыгы Фәрит Хөснуллин районның узган елгы социаль-икътисади торышын анализлады.

Соңыннан сораулар, бүләкләүләр булды.