Өчөйле Саклауда "Көз гүзәле" бәйгесе үтте

Өчөйле Саклау авыл мәдәният йортында кызлар катнашында "Көз гүзәле" бәйгесе үткәрелде. Бәйге арасында кечкенәләр катнашында көзгә багышланган җырлар, биюләр башкардылар. Бәйгене Рамил, Камил, Камилә алып бардылар. Кызлар үзләре белән матур итеп таныштыдылар, табышмакларга җавап бирделәр, күз бәйләп көзге рәсем ясадылар, көзге яшелчәләрдән ясалган салатларның рецепларын аңлаттылар, әдәби конкурста, кыршау әйләндерүдә катнаштылар, иҗади чыгышлар башкарып, "Көз гүзәле", "Иң уңган кыз", "Иң җитез кыз", "Иң зирәк кыз", "Иң оста кыз" номинацияләренә лаек булдылар. Соңыннан Әнүзә Фәйзуллина, бәйгедә катнашкан балаларга нәтиҗә ясаганнан соң, барысына да уңышлар теләде.