Район газетасына икенче яртыеллыкка 27 июньгә кадәр язылып була

Татарстан почтасы район һәм республика газеталарына 2016 елның икенче яртысына язылу вакытын 25 июньгә кадәр озайтты. «Сарман» газетасына исә 27 июньгә кадәр языла аласыз әле, хөрмәтле газета укучылар. Аңа почта бүлекчәләрендә дә, Интернетта podpiska.pochta.ru сайты аша да, редакциягә килеп тә (ул чакта газетаны килеп аласы да була) язылырга мөмкин. Газетаның электрон варианты да бар. «ТАТМЕДИА» җәмгыяте игълан иткән #ПодпишиРодителей #ПодпишиБлизких акциясе дә дәвам итә. Моннан тыш почта бүлекчәләрендә «Игелек агачы» («Дерево добра») акциясе бара: теләгән һәркем картлар һәм инвалидлар йортларына, интернат-мәктәпләргә, балалар йортларына подписка бүләк итә ала.