Юбилярлар котлаулар кабул итәләр

Сарман авылында яшәүче Василий Игнатьевич һәм Ольга Дмитриевләр бу көннәрдә котлаулар кабул иттеләр. Аларны алтын туйлары белән район башлыгы Фәрит Хөснуллин тәбрикләде һәм истәлекле бүләк, Рәхмәт хаты тапшырды. Районыбызның җаваплы тармакларында куйган күпьеллык тырыш хезмәтләре, район тормышында актив катнашканнары, гаилә тормышында да матур үрнәк күрсәткәннәре өчен рәхмәт белдереп, “Сәламәтлек, бәхет, йортыгызга муллык телим!” – диде ул. 
 Бүләкләү тантанасында шулай ук район Башкарма комитеты җитәкчесе урынбасары Индира Сәхипова, гражданлык хәле актларын теркәү бүлеге баш белгече Альбина Һадиуллина катнаштылар.
 Зөлфия Шәрипова язмасы һәм фотолары