Ветеран бүген дә җор телле, киң күңелле

Мөнҗия апа бик иртә колхозда эшли башлый, тракторда прицепщик булып йөри, Сүбәләктә урман кисә. Эшләмәгән эш калмады, дип искә ала ул үзе. Кызганычка каршы, кайгы-хәсрәтен дә мулдан күрә. 
Мөнҗия апаны гомер бәйрәме белән район башлыгы урынбасары Гүзәл Гәрәева тәбрикләде, Россия Федерациясе Президенты Владимир Путинның Котлау хатын, район башлыгы Фәрит Хөснуллин исеменнән истәлекле бүләк тапшырды. Район социаль яклау бүлеге начальнигы Лилия Гыйльметдинова, «Шәфкать» үзәге директоры Ландыш Мөхлисуллина, үзәкнең өйдә социаль хезмәт күрсәтү бүлекчәсе начальнигы Айгөл Хәйруллина, Александровка авыл җирлеге башлыгы Ирек Вафин, ветераннар советы рәисе Фалия Әхмәтҗанова да юбилярга иң матур котлау сүзләрен җиткерделәр.

Мөнҗия апа хакындагы тулырак язманы газетабызның киләсе саннарының берсендә укый аласыз.