Татарстанда бер ир-атның баш миенә теш щеткасы кереп кадалган

Теш щеткасының шома кырыйлары баш миен тишмичә, «аерып кына» кереп киткән.

Татарстан Республика клиник хастаханәсе табиблары бер ир-атның башына кереп кадалган теш щеткасын алган. Хастаханәгә китергән чакта ир-ат үз аңында була. Аңа КТ ясыйлар, баш миенең бик әһәмиятле урыннарына зыян килмәве ачыклана. Бу турыда хастаханәнең матбугат хезмәтенә сылтама белән «Татар-информ» хәбәр итте.

Пациент — үзе дә табиб, ул ерак төбәктә яши. Ел ярым элек аның башы имгәнә, баш миенә ачык операция ясыйлар. Ул озак дәвалана, аңа операцияләр ясарга туры килә, травма булган урында баш тиресен торгызу өчен дәвалыйлар.  

РКБ матбугат хезмәте

Хастаханәгә китергән кичтә теш щеткасы кылларына кадәр диярлек баш эченә кереп киткән. Ул алдан травма булган урынга кадалган. Теш щеткасының шома кырыйлары баш миен тишмичә, «аерып кына» кереп киткән. Шул сәбәпле кан күп акмаган, гематомалар да, баш миенә басым да булмаган, диелә РКБ хәбәрендә.

РКБ табиблары баш миендәге теш щеткасын алган. Бу вакытта ир-ат һәр мизгелдә үлү куркынычы булган. Бәхеткә, бар да яхшы узган. Дүрт сәгать операциядән соң, ир-атны реанимациягә күчергәннәр. Теш щеткасы баш миенә ничек итеп кергәне билгесез, диелә хәбәрдә. 

Чыганак

Фото: https://pixabay.com/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 28 июнь 2022 - 08:55
    Кәүҗияктә Раиф абыйның юбилеен бәйрәм иттеләр
  • 22 июнь 2022 - 15:39
    Хәтер көне балалар өчен дә кирәк
  • Район егетләрен армиягә озаттылар
  • Крестьян-фермер хуҗалыклары басулары бәя алды
  • Районда «Иң яхшы автобус йөртүчесе» ачыкланды
  • Сарманлылар Сары тауны гөрләттеләр
  • Сарман сәнгать мәктәбе укучылары тамашачыларны иҗат кичәсенә җыйдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?