Район ветераннар Советы хисап тотты
Бүген район Советы утырышлар залында район ветераннар Советының отчет җыелышы үтте.
Аның эшендә район башлыгы Фәрит Хөснуллин катнашты. Чарага авыл җирлекләре башлыклары, оешма җитәкчеләре дә чакырулы иде. Иң элек Совет эшчәнлеге белән аның рәисе Асыляр Харисов таныштырды. Икенче итеп сүз ревизия комиссиясе рәисе Гөлүсә Ганиуллинага бирелде. Аннан Җәлил ветераннар Советы рәисе Әнисә Минһаҗева чыгышы тыңланды. Фикер алышулар, тәкъдимнәрдән соң, Фәрит Мөнәвир улы чарада катнашучыларны узган ел районда башкарылган, агымдагы елга планлаштырылган эшләр белән таныштырды.
Чираттагы көн тәртибе нигезендә, юбилярлар бүләкләнде. Соңыннан җыелыш карары кабул ителде.
Следите за самым важным и интересным в Telegram-каналеТатмедиа
Нет комментариев