Балаларыбыз юлда имин йөрсен өчен....

Юлларда шоферлардан гына түгел, ә җәяүлеләрдән дә зур игътибарлылык сорала. Бу юнәлештә Илексаз мәктәбе укучылары белән һәрвакыт зур эш алып барабыз. Бәла-казаларга юлыкмас өчен өс киемнәренә яктылыкны кире кайтаручы элемент лар тактылар. Укучыларны юл йөрү кагыйдәләренә өйрәтү буенча күләмле эш алып барыла. Район юл хәрәкәте иминлеге дәүләт инспекциясе вәкилләре белән очрашулар уздырабыз. Ә бүген исә мәктәп каршында ясалган җәяүле юлы аша чыгу тәртибе белән таныштылар, шулай ук юллардагы билгеләрне исләренә төшерделәр.
Бәлага юлыкмас өчен иң мөһиме игътибарлы булырга, ашыкмаска кирәк. Юлларда имин йөрик!