Бәйрәм көнне мөселманнар нишләргә тиеш
Бәйрәм көнне без иртәрәк торып, чистарынып һәм бәйрәмчә киенеп, мәчеткә иртәнге намазны, бәйрәм намазын укырга һәм Гает хөтбәсен тыңларга барабыз. Хатын-кызлар да, чит иратлар күзенә ташланмый торган киемнәрен киеп, намазга киләләр. Корбан бәйрәменә мәчеткә юнәлгәндә, иртәннән үк ашамыйча бару киңәш ителә. Ә гаеттән кайткач, зурлап бәйрәм өстәлләре, бүләкләр әзерләү, бербереңне бәйрәм белән котлау Аллаһның динен һәм шәригать йолаларын хөрмәт итү була. Димәк, бу — бик тә зур һәм саваплы эш.
