Сарман матбугат үзәге «Үткәннәрне сагынасыңмы?» дигән яңа бәйге игълан итә

Дөрес, үткәннәрне кайтарып булмый, бүгенгесенә сөенеп яшәргә кирәк, ә иртәгәсе — Аллаһы Тәгалә кулында. «Кеше үткәннәрне сагынмый, ул шул чордагы үзен сагына», — дип язган бер әдип. Шулай да, балачак, яшьлек хатирәләрен сагынып искә алу бик рәхәт. Һәркемнең күңел түрендә ниндидер вакыйга белән бәйле якты истәлекләр сакланадыр. Әйдәгез, хөрмәтле дуслар, шул хәтерхатирәләрне барлыйк. Бу уңайдан без «Сарман» газетасы битләрендә яңа бәйге игълан итәбез. Ул «Үткәннәрне сагынасыңмы?» дип атала. Аңа йомгак 31 майда 1 июнь — балаларны яклау көне уңаеннан ясалачак. Язмаларыгызны газетабыз битләрендә урнаштырып барачакбыз, аларга бәяне бирүдә теләгән һәркем катнаша алачак.

Сездән кызыклы язмалар көтәбез, хөрмәтле газета укучылар. Аларны редакциягә (вакытлыча мәгариф бүлеге бинасының икенче катында урнашкан) китереп бирергә я sarmangazetam11@mail. ru электрон адресына юлларга мөмкин.

Фото:https://ru.freepik.com