Сарманлылар РФ Салым кодексына кертелгән үзгәрешләр белән танышалар

РФ Салым кодексына салымнарны вакытында түләмәгән өчен җаваплылыкны арттыру турында үзгәрешләр кертелде. Ул оешмаларның 1 октябрьдән соң хасил булган әҗәтләре өчен пеня күләме арттырылуга кагыла. Салымнарны түләү 30 календарь көнгә кадәр соңарган очракта пеня Россия банкының әлеге вакытка булган рефинанслау ставкасының 1/300 өлешенә тигез булса, 31нче календарь көннән башлап ставканың 1/150 өлешен тәшкил итәчәк. Физик затлар, шәхси эшмәкәрләр дә салымнар буенча әҗәт өчен пеня (1/300 өлешендә) дә түләргә туры киләчәген онытмасыннар иде.