Районда узган рейд нәтиҗәләре

12, 13, 14 гыйнварда булган комплекслы профилактик чаралар барышында барлыгы 40 юл кагыйдәсен бозучы административ җаваплылыкка тартылды.3 кеше исерек килеш транспорт чарасы белән идарә итүче ачыкланды. Аларның берсе инде моңа кадәр дә исерек килеш транспорт чарасы белән идарә иткән өчен автотранспорт йөртү хокукыннан мәхрүм ителгән гражданин булып чыкты. Моннан тыш 11 кеше куркынычсызлык каешларын кулланмау очрагы, 8 - ОСАГО иминият полисыннан башка транспорт чарасы белән идарә итү очраклары ачыкланды.

Узган атнаның бәйрәм ялларында да ЮХИДИ хезмәткәрләре тарафыннан 2 кеше исерек килеш транспорт чарасы белән идарә итүче тоткарланган иде.

Район ЮХИДИ бүлекчәсе.