Татарстанның атказанган артисты Эдуард Латыйпов туган ягында тавыш бирде

– Сайлауларда туып-үскән ягымда тавыш бирә алуыма шатмын. Сайлау саен эләкми бу бәхет. Әле менә быел да Теләче, Арча, Биектау якларыннан гострольләрдән кайтып кына төштек, - ди ул.- Сайлауларга бәйрәмгә килгән кебек кайттым. Үзебезнең киләчәгебез өчен тавыш бирәбез бит. Тормышта, сүз дә юк, төрле чаклар була. Әмма яшәр өчен бөтен шартлар бар, район көннән-көн матурлана. Киләчәгебез тагын да яхшырыр, дигән ышаныч белән тавыш бирдем.