Татарстанда хәрбиләргә ярдәм кайнар линиясе эшли башлый
26 июньдә Татарстан Дәүләт Советында хәрби хезмәткәрләргә һәм аларның гаилә әгъзаларына ярдәм итү максатында «Хатын-кыз игътибары» исемле кайнар линия старт ала. Бу турыда парламентның матбугат хезмәте хәбәр итте, дип яза «Татар-информ» МА.
Элемтә юлы эшенә «Мәрхәмәт-Милосердие» берләшмәсе составындагы депутатлар, төрле министрлык һәм ведомстволар вәкилләре, шулай ук республика Кеше хокуклары буенча вәкаләтле вәкиле Сәрия Сабурская җәлеп ителә.
Алар гражданнарны хәрбиләрнең хокукларын тормышка ашыру, социаль-хокукый ярдәм алу, түләүләр һәм компенсацияләр, шулай ук медицина хезмәте күрсәтү һәм саулыкны кайтару мәсьәләләре буенча киңәш итәчәк.
Мөрәҗәгать итү өчен телефоннар: 8 (843) 236-00-71, 8-965-593-86-64 (МАКС аша сораулар өчен). Элемтә сәгать 10.00нан 14.00гәчә ачык.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев