Җәмгыять
Татарстанда өч бала тууга бирелә торган түләү 100 меңгә арттырылырга мөмкин
Республика Рәисе карары проекты коррупциягә каршы экспертиза үтә. Документта берьюлы өч бала туган гаиләләргә дәүләт ярдәмен шактый арттыру күздә тотыла, дип яза «Татар-информ» МА.
Проект буенча, берьюлы түләүнең күләме – бүгенге 10 меңнән (һәр балага) 100 меңгә кадәр җиткерелергә тиеш. Моннан тыш, айлык бала пособиясен дә бала өчен билгеләнгән яшәү минимумы дәрәҗәсенә күтәрергә планлаштыралар.
Бу очракта түләүләр яшәү минимумы үзгәрүгә бәйле рәвештә автомат рәвештә яңадан исәпләнәчәк. Гаиләләрнең пособие алу өчен өстәмә гариза бирүе дә таләп ителмәячәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев