Сарманның "Светводканал" җәмгыяте директоры Дамир Галиев акциягә кушылды

«ТАТМЕДИА» акционерлык җәмгыяте игълан иткән «Әти-әниеңне һәм якыннарыңны яздыр!» социаль акциясенә "Светводканал" җәмгыяте директоры Дамир Галиев тә кушылды. Ул Чукмарлы авылында яшәүче мөмкинлеге чикләнгән Бану Бакиеваны газетага яздырды.

- "Сарман"га үзем дә даими язылып киләм, аны гаиләбез белән укыйбыз. Ничек инде шушы җирлектә яшәп, аның яңалыклары, тормыш-көнкүрешеннән хәбәрдар булмаска кирәк. Районыбызда булган яңалыклар, үткәрелгән чаралар - барысы да "Сарман"да яктыртылып барыла. Аңа һәркем язылырга тиеш, дип уйлыйм. Чөнки "Сарман" - районда чыгып килә торган, барлык тармакны да яктырта торган бердәнбер рәсми басма, - диде ул.