Сарманның "Шәфкать" үзәгендә "Мөмкинлекләре чикле – тырышлыклары чиксез" дигән кичә узды

Бүген Сарманның "Шәфкать" халыкка социаль хезмәт күрсәтү үзәгендә инвалидлар декадасы уңаеннан "Мөмкинлекләре чикле - тырышлыклары чиксез" дип исемләнгән кичә үтте. Ул Сарман авылыннан уңган, булган Фирдания һәм Өлфәт Габделхаковлар, Анна һәм Илнар Алтыновлар гаиләләренә багышланды. Очрашуда район башлыгы Фәрит Хөснуллин, Башкарма комитет җитәкчесенең социаль мәсьәләләр буенча урынбасары Индира Сәхипова катнаштылар. Чараны бик тә эчтәлекле итеп үзәкнең мәдәни эшләрне оештыручысы Илгизә Сәлахова алып барды. Сөйләүләр Дилә Кыямова башкаруындагы җырлар, Альбина Зөлкәрнәеваның биюләре белән үрелеп барды.

Чара турында тулырак язманы газетаның 8 декабрь саныннан укый аласыз.