Сарманлылар вакцинация ясата алалар

Прививка кабинеты шәфкать туташлары чираттагы ялда булу сәбәпле, гриппка каршы прививканы район үзәк хастаханәсендә участок шәфкать туташлары ясый. Тик моның өчен иң элек участок табибында тикшерелеп, рөхсәт алырга кирәк. Ә авылларда вакцинацияне фельдшер-акушерлык пункты шәфкать туташлары үткәрә. Сарманлыларга шуны да хәбәр итәбез: 22 сентябрь көнне, ягъни бу җомгада үзәк базар янында ашыгыч ярдәм машинасында барлык теләүчеләргә прививка ясала. Табиб рөхсәтен дә шунда ук алырга мөмкин. Бу кешеләрнең сәламәтлеге турында кайгырту белән беррәттән, аларның вакытын экономияләү, алар өчен уңайлылык тудыру максатыннан да эшләнә.

Вакцинация үткәрү ни өчен кирәк? Бу хактагы язманы газетаның чираттагы санында укый аласыз.