Сарманлылар кышкы вакытка кире кайтачаклар

26 октябрьдә, якшәмбегә каршы төндә, Татарстан Республикасында, Россиянең башка регионнарында кебек үк, сәгать телләрен бер сәгатькә артка күчерәчәкләр. Шулай итеп, без кышкы вакытка күчәчәкбез. Моннан соң яңадан сәгать телләрен күчерү булмаячак.

Исегездә булса, 2011 елда Россия Президенты инициативасы буенча кышкы һәм җәйге вакытка күчү гамәлдән чыгарылган иде. Хәзерге вакытта без җәйге вакыт буенча яшибез.

2014 елның 30 сентябрендә Россия Федерациясе Хөкүмәте 2011 елдагы карарны гамәлдән чыгарды. 26 октябрьдә 02:00 сәгатьтә яңа карар үз көченә керәчәк. Аның буенча, Россия даими кышкы вакытка күчәчәк һәм илдә сәгать зоналары 9дан 11гә артачак.