Сарманлылар искечә Яңа елны каршы алдылар

Бүген, 12 январь көнне, үзәк Ял паркында "Хуш, Яңа ел!" дип исемләнгән үзәк Чыршыны ябу һәм искечә Яңа елны билгеләп үтү тантанасы булды. Бәйрәмдә катнашучыларны район башлыгы урынбасары Гүзәл Гәрәева сәламләде, барлык сарманлыларга ныклы сәламәтлек, уңышлар һәм хәерле еллар теләде. Аннан соң сарманлылар Кыш бабай белән Кар кызын озаттылар, әкият геройлары, балалар белән берлектә төрле уеннарда, күмәк биюләрдә катнаштылар. Без сарманлыларга ел саен шатлык-куанычлар бүләк итүче Кыш бабайны, сихри матурлыгы белән күңелләргә сөенеч хисе салган Чыршыны киләсе елда да көтеп калабыз!