Сарманда ТР Дәүләт Советы депутаты парламент дәресендә катнашты һәм гражданнарны кабул итте

29 нчы но­ябрь­дә Та­тарс­тан Рес­пуб­ли­ка­сы Дәү­ләт Со­ве­ты­ның оеш­ты­ры­лу­ы­на 20 ел тул­а. Шул уңай­дан ра­йон­ның бар­лык мәк­тәп­лә­рен­дә пар­ла­мент дә­рес­лә­ре үт­кә­рел­ә. 27 нче но­ябрь­дә Сар­ман гим­на­зи­я­сен­дә узган пар­ла­мент дә­ре­сен­дә би­шен­че ча­кы­ры­лыш Та­тарс­тан Рес­пуб­ли­ка­сы Дәү­ләт Со­ве­ты де­пу­та­ты Ма­рат Га­ли­ев һәм кор­руп­ци­я­гә кар­шы сә­я­сәт мәсь­ә­лә­лә­ре бу­ен­ча Та­тарс­тан Рес­пуб­ли­ка­сы Пре­зи­ден­ты Ида­рә­се­нең баш ки­ңәш­че­се Са­ла­ват Рә­хи­мов кат­наш­ты­лар. Алар бу көн­не кор­руп­ци­я­гә кар­шы мәсь­ә­лә­ләр бу­ен­ча граж­дан­нар­ны да ка­бул ит­те­ләр.

Иң бо­рын­гы за­ман­нар­да ук фи­кер ия­лә­ре: "И­рек­ле бу­лу өчен, без за­кон­нар­ның ко­лы бу­лыр­га ти­еш", - ди­гән­нәр. Дәү­ләт­нең, ан­да яшәү­че­ләр­нең имин­ле­ге, алар­ның үсе­ше за­кон­нар­га, алар­ның үтә­ле­ше­нә бәй­ле. Ә за­кон­нар чы­га­ру­чы һәм алар­ны үтәү функ­ци­я­лә­ре дә бул­ган иң юга­ры ор­ган - пар­ла­мент. Ул сай­ла­нып ку­е­ла. Пар­ла­мен­та­ризм исә - иң юга­ры дәү­ләт ха­ки­ми­я­те­нең ое­шу һәм эш­ләү сис­те­ма­сы.

Сар­ман гим­на­зи­я­сен­дә пар­ла­мент дә­ре­сен алып бар­ган та­рих укы­ту­чы­сы Ва­сил Их­са­нов иң элек әнә шу­лар­га тук­тал­ды. Ул уку­чы­лар­га бу тө­шен­чә­ләр­нең нәр­сә аң­лат­кан­на­рын, Рос­сия Дәү­ләт Ду­ма­сы, рес­пуб­ли­ка пар­ла­мен­ты­ның үсеш та­ри­хы ту­рын­да сөй­лә­де. 9 нчы де­кабрь - Ха­лы­ка­ра кор­руп­ци­я­гә кар­шы кө­рәш кө­не. Шу­шы уңай­дан Ва­сил Их­са­нов дәү­ләт һәм аның үсе­ше өчен иң кур­кы­ныч кү­ре­неш­ләр­нең бер­се бул­ган кор­руп­ци­я­гә кар­шы кө­рәш ту­рын­да да сүз алып бар­ды.

Ма­рат Га­ли­ев пар­ла­мент үсе­ше, кор­руп­ци­я­гә кар­шы кө­рәш, конф­ликт­лы си­ту­а­ци­я­ләр, алар­ны са­быр, ты­ныч юл бе­лән хәл итү, то­ле­рант­лы­лык мәсь­ә­лә­лә­ре­нә тук­тал­ды, ми­сал­лар ки­тер­де. Бү­ген киң җә­мә­гать­че­лек­не бор­чы­ган со­рау­лар­ның бер­се - кор­руп­ци­я­не җи­ңеп бу­ла­мы? Ма­рат Га­ли­ев үз чы­гы­шын­да мо­ның өчен ва­кыт ки­рәк­ле­ген бил­ге­ләп үт­те, кор­руп­ци­я­не ки­сә­тү­че ча­ра­лар­ны ата­ды. Шу­ны­сы бә­хәс­сез - за­кон­нар­ны ка­ты­ла­ту юлы бе­лән ге­нә бу ямь­сез кү­ре­неш­кә кир­тә ку­еп бул­мый. Мо­ңа та­рих­та ми­сал­лар да юк тү­гел. "Кор­руп­ци­я­не җәм­гы­ять­нең мә­дә­ни­я­тен үс­те­рү юлы бе­лән ге­нә җи­ңәр­гә мөм­кин, - дип ас­сы­зык­ла­ды Ма­рат Га­ли­ев. - Та­тарс­тан - ачык рес­пуб­ли­ка. Шун­сыз мөм­кин дә тү­гел. Үз эче­без­гә бик­лә­нә­без, һәм рес­пуб­ли­ка­да тәр­тип бул­мый икән, ан­дый ил­гә ин­вес­ти­ци­я­ләр дә бир­ми­ләр". Уку­чы­лар­га ул һө­нәр сай­лау бу­ен­ча да ки­ңәш­лә­рен бир­де: "Шу­ны уй­ла­гыз - сез кем­гә ки­рәк бу­ла­чак­сыз? Дип­лом алу­чы­лар күп, шул исәп­тән, юрист­лар, эко­но­мист­лар да. Әм­ма ба­ры­бер ях­шы юрист­лар һәм эко­но­мист­лар җит­мә­де һәм җит­ми". Са­ла­ват Рә­хи­мов үз чы­гы­шын­да бү­ген­ге көн­дә рес­пуб­ли­ка ал­дын­да тор­ган төп бу­рыч­лар­ның бер­се кор­руп­ци­я­гә кар­шы кө­рәш икән­ле­ге­нә һәм аны, бер­гә­ләп кө­рәш­кән­дә ге­нә, җи­ңеп бу­ла­ча­гы­на ба­сым яса­ды. Ра­йон баш­лы­гы­ның кор­руп­ци­я­гә кар­шы кө­рәш бу­ен­ча яр­дәм­че­се На­ил Мин­не­го­лов ра­йон ко­мис­си­я­се­нең бу юнә­леш­тә­ге эш­чән­ле­ге­нә тук­тал­ды, "кай­нар ли­ни­я" те­ле­фо­ны эш­лә­вен хә­бәр ит­те.

Уку­чы­лар рес­пуб­ли­ка бюд­же­тын­да мә­га­риф­кә күп­ме ак­ча бү­лен­гән­ле­ге, до­нор ра­йон бу­ла­рак, ра­йон­га күп­ме ак­ча­быз­ның әй­лә­неп кай­туы, бюд­жет­та­гы де­фи­цит­ны ту­ты­ру юл­ла­ры, сту­дент­лар өчен яр­дәм прог­рам­ма­ла­ры һәм баш­ка­лар бе­лән кы­зык­сын­ды­лар, алар­га ту­лы җа­вап­лар ал­ды­лар.

Со­ңын­нан Ма­рат Га­ли­ев һәм Са­ла­ват Рә­хи­мов кор­руп­ци­я­гә ка­гы­лыш­лы со­рау­ла­ры бул­ган граж­дан­нар­ны ка­бул ит­те­ләр. Ра­йон ке­ше­лә­рен нәр­сә­ләр бор­чый соң? Ба­зар то­ту­чы ха­ным га­дәт­тән тыш хәл­ләр ида­рә­се та­ра­фын­нан бул­ган еш тик­ше­рү­ләр, шт­раф­лар, шак­тый ва­кыт ябы­лып то­ру­дан ка­нә­гать­сез­ле­ген бел­дер­де. Икен­че ир-ат эш уры­нын­да­гы аң­ла­шыл­мау­чан­лык­тан зар­лан­ды. Дүрт ке­ше­лек тө­зү­че­ләр бри­га­да­сы 2012 нче ел­дан бир­ле баш­кар­ган эш­лә­ре өчен хез­мәт хак­ла­рын ала ал­мый­лар. Күпба­ла­лы га­и­лә 2008 һәм 2011 нче ел­лар­да ук йорт тө­зү өчен ике прог­рам­ма бу­ен­ча чи­рат­ка бас­кан һәм суб­си­дия ала ал­мый. Ә кресть­ян-фер­мер ху­җа­лы­гы җи­тәк­че­се җир­не якын­нан­рак алып бу­лу-бул­мау бе­лән кы­зык­сы­на. Кил­гән граж­дан­нар ара­сын­да го­му­ми ха­рак­тер­да­гы со­рау­лар бе­лән мө­рә­җә­гать итү­че­ләр дә бар иде. Әй­тик, кон­курс кы­са­ла­рын­да рәс­ми­ләш­те­реп, са­тып ал­ган техника бә­я­се­нең 50 про­цен­тын кай­та­рып бул­мый­мы?

Ма­рат Га­ли­ев һәм Са­ла­ват Рә­хи­мов һәр со­рау­ны язып ал­ды­лар, ачыклык кертәчәкләрен әйттеләр.