Районда инвалидлар ункөнлеге бара

Халыкара инвалидлар көне уңаеннан районда 1 декабрьдән 10 декабрьгә кадәр инвалидлар декадасы игълан ителде. Анда түбәндәге чараларны үткәрү планлаштырылды:

- инвалидларның өйләренә рейдлар;

- мәдәни чаралар: акцияләр һәм конкурслар;

- мөмкинлекләре чикләнгән кешеләрнең тормыш-көнкүрешләрен яхшырту, аларга социаль ярдәм күрсәтү, аерым алганда, психологик, юридик, логопед, социаль-реабилитация, мәгълүмати ярдәм, мунча, чәчтараш хезмәтләре күрсәтү;

- хәйрия чаралары;

- тематик кичәләр, класс сәгатьләре, китап күргәзмәләре, "түгәрәк өстәл"ләр, экскурсияләр, семинар-тренинглар, турнирлар, фестивальләр, очрашулар;

- терәк-хәрәкәт аппараты зарарланган инвалидлар катнашында автоузыш;

- эшсез инвалидларга психологик, хезмәткә урнашу, һөнәри һәм өстәмә белем алу буенча ярдәм күрсәтү һәм башкалар.