Район командасы волейбол ярышларында дүртенче булды

5-6 ноябрь көннәрендә Мамадыш шәһәрендә муниципаль хезмәткәрләр спартакиадасы кысаларында зур районнар арасында волейбол ярышлары үтте. Анда 18 район командалары катнашты. Турнирда Сарман районы командасы уңышлы чыгыш ясады. Безнекеләргә призлы урын алыр өчен аз гына җитмәде - өченче урын өчен уенда Саба районы командасы көчлерәк булып чыкты. Нәтиҗәдә Сарман районы командасы дүртенче урын алды. Хуҗалар командасы турнирда икенче булдылар, Балтач районы җиңүче булып танылды.

Киләсе ярышлар 11-12 ноябрь көннәрендә Саба районында узачак. Командалар бадминтонда көч сынашачаклар. Ел азагына кадәр мини-футбол, йөзү, өстәл теннисы, шахмат, җиңел атлетика буенча ярышлар үтәчәк.