"Мин сиңа гашыйк булдым" конкурсы. Саклаубаштан Гөлгенә Талипова

Без "Мин сиңа гашыйк булдым" конкурсына тавыш бирүне бүген башлап җибәрәчәкбез. Тик аның алдыннан безнең чираттагы катнашучыбызны каршы алыгыз - Саклаубаш авылыннан Гөлгенә Талипова.

- Матурым белән без ВКонтакте челтәрендә таныштык. Шул көннән бирле без бергә. Бер ел гына безне аерып торды, ул да булса - Айратымның армия сафларында хезмәте белән үткән ел. Армиядән кайткач, бер ел очрашып йөрдек. 2013 елның ямьле июнь аенда матур итеп туй ясадык. "Хәзер инде без - дөньядагы иң бәхетле әти белән әни", дисәм дә, ялгыш булмас. Безнең ике бәләкәй бөтерчегебез - кызларыбыз бар. Олы кызыбыз Азалинага - 3 яшь, бәләкәчебез Аделинага 10 ай булды. Алар - безнең мәхәббәтнең иң якты маяклары! - дип, язды ул безгә.