Матбугат үзәгеннән көн рецепты – кыздырылган ипи кисәкләре белән томат ашы

Кирәк булалар:

- помидорлар - 800 грамм;

- соры ипи - ½ кисәк;

- баллы кызыл борыч - 1 данә;

- яңа базилик - 1 бәйләм;

- сарымсак - 2 тырнак;

- зәйтүн мае - 8 аш калагы;

- базилик белән киптерелгән помидорлар - 1 чәй калагы;

- бөртекле кара борыч - 6 данә;

- диңгез тозы - 1 чеметем.

Духовканы 220 градуска кадәр кыздырабыз.

Помидорларны эре итеп турыйбыз. Сарымсакны чистартабыз һәм пластинкалар формасында кисәбез. Баллы борычны, сабагы белән орлыгын алып, буй-буй итеп турыйбыз. Киптерелгән помидорларны кара борыч һәм диңгез тозы белән киледә кырабыз.

Помидор, борыч һәм сарымсакны тирәк калай табага салабыз, тәмләткечләр сибәбез, зәйтүн мае өстибез. Кызган духовкада 45 минут пешерәбез.

Базиликны вак итеп турыйбыз. Пешкән помидорларның өчтән берен алып куен торабыз, тышын салдырабыз һәм ваклыйбыз, аннары алар янына базилик өстибез һәм бутыйбыз.

Калган помидорларны блендерда болгатабыз, иләк аша үткәрәбез. Ипине турыйбыз һәм духовкада киптерәбез.

Болгаткан ашны тәлинкәгә салабыз, өстенә бер калак вакланган, болгатылмаган помидорлар, ипи кисәкләре салабыз, зәйтүн мае өстибез.

Барлыгы 1 сәгать 20 минут вакыт кирәк.