Матбугат үзәгеннән көн рецепты – гөмбә һәм сыр белән пешерелгән бәрәңге

Сезгә гөмбә һәм сыр белән пешерелгән бәрәңге рецептын тәкъдим итәбез.

Кирәк булалар:

• пешкән бәрәңге - 8 данә;
• сыр - 150 грамм;
• ак май - 150 грамм;
• сарымсак - 6 тырнак;
• 25% каймак - 4 аш калагы;
• яңа шампиньоннар - 200 грамм;
• бри сыры - 2 данә;
• яңа укроп, тоз - тәм буенча.

Бәрәңгене «мундирда» пешерәбез. Чистартабыз (тышы белән калдырырга да була).

Ул пешкән арада, катнашма әзерлибез. Йомшарган ак майны тоз һәм каймак белән ышкыйбыз, вакланган сарымсак өстибез. Бутыйбыз.

Сырны эре угычта уабыз, катнашмага өстибез.

Гөмбәләрне яхшылап юабыз, вак итеп турыйбыз. Катнашма янына салабыз, борыч сибәбез. Тәмләткеч үләне дә салырга була.

Бәрәңгене урталай бүләбез, калак белән бераз йомшагын алабыз. «Көймә»ләр барлыкка килергә тиеш.

Барлыкка килгән бушлыкка катнашманы салабыз. 180 градуска кадәр җылытылган духовкага 30-40 минутка куябыз.

Бәрәңгене кайнар килеш яңа яшелчәләр һәм туралган яшеллек белән бирәбез.

Барлыгы 1 сәгать вакыт кирәк.