"Иң матур кош оясы". Сарманнан Илһам Миңнеязов

Мин ел саен үземнең канатлы дусларым турында кайгыртам. Кышын без әтием белән аларга җимлекләр ясадык, мин ашарларына биреп тордым, ә менә яз аенда без әтием белән кош оясы ясадык. Былтыр ясаган кош оясын сыерчыклар бик яратты, анда оялап, матур-матур кошчыклар чыгардылар. Быел алар, үз ояларын сагынып, исән-имин кайтып җиттеләр. Мин сыерчыкларны тәрәзәдән күзәтеп торырга бик тә яратам.

Быел да без әтием белән кош оясы ясадык. Мин аны гимназиягә алып бардым. Бу ояны да сыерчыклар үз итәрләр дип өметләнәм.

Илһам Миңнеязов, Сарман гимназиясенең 1 "а" сыйныфы укучысы.